After All: The Missing Chapter


After All

Tatlong buwan na ang nakalipas pero hindi pa rin ako tinatantanan ni Jeff. Tawag pa rin siya ng tawag at text ng text. Hindi siya pumupunta sa bahay. Marahil ay busy na rin ang gago dahil sa thesis niya.

Isang araw ay nakareceive ako ng text mula sa kanya, inaaya niya ko pumunta sa isang lugar.

Jeff: Bryan, pupunta ako ng Ilocos para sa thesis ko. Gusto ko kasama kita. Please. Alam kong mahal mo pa ako. At kung talagang mahal mo pa ako, magkita tayo sa Greenbelt bukas 3pm. Please. I love you.

Makalipas ang isang oras ay nakatanggap naman ako ng text kay Mike.

Mike: Musta ka na Bry? I haven’t heard from you since your birthday. I just want to know if you’re doing fine. Anyway. Bukas na yung opening ng toy shop. I want you there.

 

Mukhang dumating na ako sa punto kung saan kailangan ko mamili. Hindi ko alam. Hindi ko alam kung sino ang pipiliin ko. Hindi ko alam kung kaya ko pa bang pumili kung sino sa kanilang dalawa. Yung taong nagmahal at nagbago ng kung sino ako o yung taong laging andiyan at tanggap kung ano ako? Kailangan ko ba talagang pumili? Siguro nga.

“Ma?” kumatok ako sa kwarto nina mama. Nadatnan ko siyang nagtutupi ng mga damit.

“O bakit anak?”

“Nalilito na ako,” ani ko.

“Tungkol saan?” tanong ni mama.

“Sobra akong nasaktan sa ginawa sa akin ni Jeff, pero hindi ko na maaalis yung ilan taon naming relasyon. Mahal ko pa rin siya…”

“Pero?”

“Si Mike. Hindi ko ‘to nasabi sa inyo noon pero nung birthday ko, nung hindi pumunta si Jeff, inamin sa akin ni Mike na mahal niya ako.”

“Alam mo ‘yang si Mike, mabait na bata ‘yan. Matagal mo na siyang kaibigan, hindi ba?”

“Opo. Kaya nga ako nalilito e,” wari ko.

“Alam mo kung ano ang posisyon ko pagdating kay Jeff. Ilang beses ka na niyang sinaktan. Ilang beses mo na rin siyang pinagbigyan. Masaya ka pa ba sa kanya?”

“Umaasa pa rin kasi ako kahit papaano na magbago siya.”

Totoo, umaasa pa rin ako. Umaasa ako na magbago si Jeff at marealize niya kung gaano ko siya kamahal.

“Minsan anak, hindi na sapat na mahal mo ang isang tao. Aanhin mo ang pagmamahal kung wala ka nang tiwala sa kanya? Buong buhay ka na lang bang magdududa na baka niloloko ka niya? Hindi ako nanghihimasok sa relasyon n’yo, pero nasasaktan ako sa tuwing nakikita kitang umiiyak at malungkot. Nagtatanong na rin ang papa mo. Kapag malaman niya ang dahilan, tiyak akong magagalit iyon kay Jeff.”

“Mahal na mahal ka namin anak. Ang gusto lang namin, maging masaya ka. Sana gustuhin mo rin ‘yun para sa sarili mo,” pagpapatuloy ni mama.

Tama nga kaya si mama? Hindi na nga ba sapat na mahal ko si Jeff? Kaya ko pa ba talaga siyang pagkatiwalaan? Maniniwala pa ba ako sa tuwing sinasabi niyang mahal niya ako?

Hindi ako halos nakatulog kakaisip sa kung ano ang dapat kong gawin. Halos alas singko na ng madaling araw nang makatulog ako. Pero alas siyete pa lang ng umaga ay nagising na ako.

 

“Hello? Buti napatawag ka.”

“Jeff, pwede ba tayong magkita nang mas maaga?” tanong ko kay Jeff.

“O sige. Saan?”

Hindi ko alam kung tama ‘tong gagawin ko. Sana tama ‘tong gagawin ko.

 

“Bryan,” bungad ni Jeff pagkaupo ko sa coffee shop.

“Jeff, we need to talk.”

“I missed you so much. Thank you at nakipagkita ka na ulit sa akin.”

“I can’t come with you sa Ilocos,” diretsa kong sabi sa kanya.

“Busy ka? That’s fine. Okay na sa aking nakipagkita ka,” sagot ni Jeff.

“No, Jeff. I can’t be with you anymore.” Mahina kong sabi. Hindi ako sigurado kung narinig ba ako ni Jeff.

“Wait, hindi ko maintindihan. I thought you have forgiven me. Bryan, what I did, I promise I’ll never do it again,” ani Jeff.

“Jeff, ilang beses mo na ‘yang sinabi sa akin and you keep on doing the same thing.”

“This time, it’s different, Bryan.”

“How can I know that you’re telling the truth?”

“Bryan, don’t you love me anymore?”

“I don’t trust you, Jeff. That’s the problem. Hindi ko alam kung paano pa ako maniniwala sa mga sasabihin mo sa akin.”

“Please, Bryan. Don’t do this to me. I love you. I need you.”

“I just wish you have thought of that bago mo gawin ‘yung mga ginawa mo.”

“I love you, Bryan.”

Nakita kong tumutulo na ang luha ni Jeff. Halos bawiin ko lahat ng sinabi ko nang makita ko siyang umiiyak. Pero panahon na para sarili ko naman ang isipin ko. Gusto ko nang sumaya sa taong mahal ko.

“Hoy Pogi, musta ka na? Bongga may ganito ka nang pinagkakaabalahan ah!”

“Buti na lang nakapunta ka. Asan na yung iba?”

“Ayun nag CR lang.”

“Ah ok. Sige upo ka muna.”

“Asan si Bryan?”

“May binili lang. Pabalik na din ‘yun.”

*****

“Hoy Alvin, buti naman at nakapunta kayo,” bati ko kay Alvin.

“Malamang. Namiss kita gaga,” sagot ni Alvin sabay yakap sa akin.

“Nasaan sina Sarah?” tanong ko.

“Andyan lang ‘yun sa tabi-tabi. Ang tagal n’y na rin ‘no? Akalain mo ‘yun,” pang-aasar ni Alvin.

“One year,” tugon ko.

“Hay naku, Noon pa kita nilalandi tapos kay Bryan ka lang pala babagsak. Sa bagay gwapo din ‘yang si Bryan.”

“Pasaway ka talaga Alvin kahit kalian,” patawa kong sabi.

“O siya sige Bryan. I concede. After all these years, give up na ako. Sayong sayo na ang Papa Mike ko.”

4 thoughts on “After All: The Missing Chapter

  1. Leicester

    THUMBS UP Author! Such an eloquent writer. I’m not fond of reading stories written in Tagalog. maka english Classics kasi ako. But I admire how you use Flashback on your story. And the way you write your plot seems like Jorge Borge style o kayay William Faulkner. The way you end your stories is really awesome. I’m wondering why most of your denouement is tragic. Nvertheless, grabeh ang emotional effct ng ending, lalo na ng ‘After All’. Wish ko may pdf copy ang stories mo pra easy to read. Eto email ko rexleicester@gmail.com . merry xmas 🎄 author! At sa lahat2 😊

    Reply
  2. Xander Belchez

    nauna ko kc nabasa ung plus one kaya hinanap ko ang pinagmulan ng kwento maganda naman sa simula pero ung missing chapter na ginawa parang hndi parin ako nalinawagan may inahanap ako sa kalagitanaan bago nagperiod at nagkitakita sila nila alvin …un lng naman am going to read the next stuf story maganda ung simula thanks to mr.author

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s